En il Grischun contribueschan las purschidas da studi da las scolas autas e da las scolas professiunalas superiuras sco er la lavur da perscrutaziun da differentas instituziuns renumadas essenzialmain a l'attractivitad dal chantun sco lieu economic. Tras sias colliaziuns naziunalas ed internaziunalas han las studentas ed ils students da la Svizra e da l'exteriur la pussaivladad d'absolver in studi en in ambient interessant u da collavurar a projects da perscrutaziun. L'ulteriur svilup da las scolas autas e da las scolas professiunalas superiuras sco er dal lieu da perscrutaziun tutga tar ils puncts centrals da svilup dal program da la regenza grischuna. L'uffizi per la furmaziun media-superiura è il post da contact e da coordinaziun per l'entir sectur da studi e da perscrutaziu.

Cooperaziuns che lavuran cun success rinforzan la qualitad e l'innovaziun.
En il sectur 'furmaziun & perscrutaziun' furman las cooperaziuns la basa per ina collavuraziun interdisciplinara e per ina interdependenza. 
 

Models grischuns da cooperaziun

Academia Raetica

Campus Cuira

Campus da turissem

IFSP scola professiunala superiura da la Svizra sidorientala – Cuira, Maiavilla, Ziegelbrücke